Búist við 18 þúsund gestum til Vestmannaeyja

Búist er við allt að 18 þúsund manns á þjóðhátíðina í Vestmannaeyjum um helgina, sem er langt umfram fyrri aðsóknarmet og fjögur þúsund gestum fleira en í fyrra.

Fyrstu tjöldin risu í Herjólfsdal í gærkvöldi, en svo er uppselt með Herjófli fram í næstu viku. Hann flytur tvö þúsund manns til Eyja í dag.

Þá hefur fjöldi manns bókað ferðir með flugi og leiguflug verður frá Bakkavelli. Lögregla hefur mikinn viðbúnað og er fíkniefnahundur notaður til að þefa af sem flestum við komuna til Eyja. Þar er nú sól og blíða og spáin nokkuð góð.