Frosktegundir í mestri útrýmingarhættu

Hafið er viðamikið verkefni í fjórtán löndum þar sem leitast verður við að finna tegundir froskdýra sem gætu verið, eða eru, í útrýmingarhættu. Verkefnið á að standa yfir í rúma tvo mánuði.

Froskdýr eru þau dýr sem eru í mestri útrýmingarhættu, en einn þriðji tegunda froskdýra á á hættu aðdeyja út. Ástæður útrýmingar froskdýra eru að miklu leyti komnar til vegna eyðingar á kjörlendi þeirra, með þurrkun votlendis og eyðingu skóga. Margar tegundir hafa þó einnig orðið að bráð sveppasjúkdómi, sem fyrirfinnst í vatni.

Doktor Robin Moore, forgangsmaður verkefnisins, telur að þrátt fyrir að tölulegar líkur séu á útdauða froskdýra, gætu um 100 frosktegundir komið í leitirnar, en doktor Moore fann fyrir nokkru frosktegund í Ekvador sem ekki hafði sést í tólf ár. Með verkefninu, sem aldrei hefur verið unnið áður, verður því hægt að áætla betur hversu margar frosktegundir eru í útrýmingarhættu, eða eru útdauðar. Með þessari vitneskju verður því einnig auðveldara að koma í veg fyrir að hinar ýmsu frosktegundir verði í útrýmingarhættu, jafnframt verður leitast við að vernda þær tegundir sem eru nú þegar í hættu.- jbá