Búið að slökkva eldinn í togaranum í Hafnarfirði

Svo virðist sem búið sé að ná tökum á eldinum í togaranum sem liggur í Hafnarfjarðarhöfn, samkvæmt upplýsingum frá sjónarvotti sem Vísir talaði við og er við höfnina. Hann segir að nánast engan reyk leggi frá bátnum en fjölmennt lið slökkviliðs er á svæðinu. Sex sjúkrabílar og þrír slökkviliðsbílar. Búið er að girða svæðið af.

Eldur kviknaði í þýska togaranum Kiel en samkvæmt upplýsingum frá lögreglunni kom eldurinn upp í vélarrúmi. Enginn var ofan í vélarrúminu þegar eldurinn kom upp og er ekki vitað til þess að neinn hafi verið í hættu.