Segir bílnum hafa verið stolið úr tollvörslu

Bifreiðareigandi segir bíl sínum hafa verið stolið úr tollvörslu eftir æði skrautlegan undanfara. Hann gagnrýnir öryggisgæslu á tollvörslusvæðinu.

Guðjón Þorbjörnsson flutti bíl í sinni eigu til landsins árið 2008, en bíllinn er af gerðinni BMW 524, árgerð '91. Afgreiðsla bílsins úr tolli dróst, en hann var geymdur í tollvörslu á meðan.

Guðjón er ósáttur við hvernig bíllinn var geymdur, en hann segir bílinn hafa verið á eftirlitslausu plani í Hafnarfirði ásamt fleiri ökutækjum, utan við vaktaða tollvörslu.

Guðjón segir að brotist hafi verið inn í bílinn meðan hann stóð á planinu á síðasta ári og hann hafi eftir það verið settur inn í gám ásamt öðrum bíl.

Guðjón segir að svo hafi aftur verið brotist inn í gáminn og dekkið sett undir bílinn aftur. Þegar hann hugðist svo afgreiða bílinn úr tolli fyrir helgi biðu hans verri fréttir.

Þá var búið að stela bílnum.