Halla og Ásgeir saman á Austur

„Við Halla erum búin að vera góðir vinir lengi og höfum þekkst í langan tíma," segir Ásgeir Kolbeinsson athafnamaður en söng- og leikkonan Halla Vilhjálmsdóttir var ein þeirra sem heiðruðu Ásgeir og félaga hans þegar Austur steikhús var opnað í Austurstræti um helgina.

Nærvera Höllu vakti nokkra athygli enda sjaldséð hér á Íslandi því hún býr í Svíþjóð. Ásgeir var ánægður með opnun nýja staðarins og sagði hana hafa gengið vonum framar. „Þetta heppnaðist gríðarlega vel og ætli það hafi ekki 250 manns kíkt til okkar á föstudagskvöldið."

Halla kom til landsins fyrir páska. „Ég gerði þetta líka í fyrrasumar, var þá hér í sex vikur og tók mér smá frí frá Svíþjóð," segir Halla en hún býst við að vera ögn lengur á landinu núna, jafnvel út sumarið.

„Ég ætla að gá hvort það sé ekki eitthvað að hafa hérna. Svo erum við pabbi að vinna að plötunni minni og það er margt gott sem er að koma út úr því," segir Halla en bætir því við að enginn ákveðinn útgáfudagur hafi verið negldur niður.- fgg