Mikil ölvun á Mýrarbolta

Nokkur erill var hjá Lögreglunni á Ísafirði í nótt. Mikil ölvun var í bænum en Mýrarboltanum lauk í gær með tilheyrandi balli. Að sögn varðstjóra var eitthvað um minniháttar pústra en enginn gisti fangageymslur fyrir vestan í nótt.

Þá var einn ökumaður tekinn grunaður um ölvunarakstur á Skálholtsvegi á milli Laugarás og Skálholts í nótt. Það var Lögreglan á Selfossi sem tók eftir því að ekki var allt með felldu hjá ökumanninum við hefðbundið eftirliti á svæðinu.

Nóttin var róleg hjá lögreglunni í Borgarnesi, en þar var landsmóti UMFÍ haldið um helgina. Mótinu var slitið á miðnætti með flugeldasýningu.

Einn ökumaður um tvítugt var stöðvaður þar í morgun grunaður um akstur undir áhrifum fíkniefna. Lögregla á svæðinu verður með aukinn viðbúnað í dag vegna umferðar til Reykjavíkur.