Munu hætta öllum hernaðaraðgerðum í Írak

Barack Obamaforseti Bandaríkjanna ítrekaði í dag að Bandaríkjamenn myndu hætta öllum hernaðaraðgerðum í Írak, í lok þessa mánaðar.

Obama sagði í ræðu á samkomu uppgjafarhermanna í Bandaríkjunum að bandaríkjamenn myndu framvegis uppfylla skuldbindingar sínar í Írak með borgaralegum hætti, en ekki hernaðarlegum.

Obama saðist hafa lofað því þegar hann tók við embætti að hernaði í Írak lyki fyrir 31. ágúst í ár og við það yrði staðið. Yfir fimmtíu þúsund hermenn eiga samt sem áður eftir að vera eftir í landinu út næsta ár til að gæta bandaískra hagsmuna, segir í frétt BBC.

Á sama tíma hefur fjölgað í herliði Bandaríkjamanna í Afganistan um þrjátíu þúsund hermenn.