Innlent

Snjórinn horfinn úr Gunnlaugsskarði

Jón Hákon Halldórsson skrifar
Páll Bergþórsson segir að bein tengsl séu á milli þess hvort skaflinn í Gunnlaugsskarði hverfi og lofthita.
Páll Bergþórsson segir að bein tengsl séu á milli þess hvort skaflinn í Gunnlaugsskarði hverfi og lofthita.
Snjóskaflinn í Gunnlaugsskarði í Esjunni er horfinn samkvæmt upplýsingum frá Páli Bergþórssyni, fyrrverandi Veðurstofustjóra. Þar með er Esjan orðin snjólaus. Páll segir að þetta sé tíunda sumarið í röð sem skaflinn hverfi. Meira en 150 ár séu liðin frá þvi að skaflinn hverfur svo mörg sumur í röð.

Páll segir að skaflinn hverfi fyrr í ár en mörg sumur á undan. Það sé vegna þess að veturinn hafi verið hlýr og vorið hlýtt. Páll segir bein tengsl vera á milli þess hvort skaflinn hverfi úr Esjunni og lofthita á Íslandi. Það hafi mælarnir á Stykkishólmi meðal annars sýnt.

Þetta sé allt mikilvægt fyrir hagsögu Íslands því að arður landbúnaðarins aukist um 30% þegar að hitinn hækki um eina gráðu. Þetta hafi einnig áhrif á sjávarútveginn því að hitinn hafi áhrif á þörunga og fiskgengd aukist þegar að hitinn hækki um eina gráðu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.