Strandveiðum lýkur væntanlega í dag

Strandveiðar eru nú aðeins stundaðar austur af landinu þar sem kvótinn á hinum svæðunum er búinn.

Veiðunum fyrir austan lýkur vængtanlega í dag, því þar er sáralítið eftir, en gott sjóveður er eystra og flestir bátarnir á sjó. Þar með lýkur strandveiðum hér við land í fjórum áföngum í sumar, en um það bil 600 bátar höfðu strandveiðileyfi.

Margir þeirra eru mjög litlir og kerfið er í raun hvetjandi til að róa í misjöfnum veðrum. Þrátt fyrir það hafa ekki orðið nein alvarleg slys við þessar veiðar í sumar, eins og óttast var að kynni að verða.