Karlmaður handtekinn fyrir fíkniefnaakstur

Lögreglan á Akureyri handtók karlmann á þrítugsaldri laust fyrir klukkan níu í morgun grunaðan um akstur undir áhrifum fíkniefna.

Í framhaldi af því var gerð húsleit á heimili mannsins þar sem fundust rúmlega 250 grömm af kannabisefnum. Ljóst er að upphaflega höfðu efnin verið ætluð til sölu á Akureyri. Við rannsókn málsins var annar karlmaður handtekinn en báðum var sleppt að yfirheyrslum loknum og telst málið upplýst.

Lögreglan minnir á fíkniefnasímann 800-5005 þar sem hægt er að koma á framfæri upplýsingum um fíkniefnamál.