Stórlega dregið úr gosinu

Stórlega hefur dregið úr gosinu og má ætla að kvikuflæðið sé nærri 5 tonn á sekúndu miðað við að það var um 200 tonn þegar mest fyrr í vikunni.

Þetta efni kemur upp sem gjóska í gosmekki sem rís um 1,5-2 kílómetra upp fyrir gíginn. Ekkert hraunrennsli er úr gígnum.

Á þriðja tug skjálfta hafa mælst í jöklinum frá miðnætti, flestir grunnir.

Gosið hefur minnkað mjög og nú rís veikur gosmökkur með lítilli gjósku upp úr vestanverðum gígnum. Engar umtalsverðar sprengingar og hraun rennur ekki frá gígnum.

Gosmökkurinn er í um 3-3,5 km, kl. 18:50 mældist hann í 3,6 km hæð. Fram eftir degi bar hæg suðvestanátt mökkinn til norðausturs en síðdegis barst hann til norðvesturs.