Klæddi sofandi stúlku úr nærbuxum og fróaði sér

Héraðsdómur Reykjavíkur hefur dæmt mann á þrítugsaldri í fimm mánaða fangelsi fyrir að klæða sofandi stúlku úr nærbuxunum og fróa sér fyrir framan hana. Maðurinn játaði brot sitt skýlaust.

Dómurinn var kveðinn upp þann 19. júlí síðastliðinn. Þar sem játning lá fyrir var ekki talin þörf á aðalmeðferð í málinu. Dómurinn taldi viðhæfandi refsingu fyrir athæfi mannsins fimm mánaða fangelsi og 350 þúsund króna miskabóta.

Fullnustu refsingarinnar er frestað um tvö ár haldi maðurinn skilorð.