Setur tilfinningar í ilmvatnsflöskur

Söngkonan Céline Dion, 42 ára, segir að ferðalög með fjölskyldu hennar hafi haft mikil áhrif á nýjasta ilminn hennar en lyktin líkist því sem hún upplfiir á fjölskylduferðalögum.

Um er að ræða fjórtánda ilm söngkonunnar sem hún setur á markað í eigin nafni og í þetta sinn nefnist hann „Pure Brilliance".

Céline, sem gengur með tvíbura og á níu ára gamlan son, Rene-Charles, með eiginmanni sínum Rene Angelil, hefur eytt ófáum stundum við sjávarsíðuna með feðgunum.

„Ég anda stöðugt að mér fersku sjávarlofti við ströndina þar sem við eyðum frítíma okkar og ég er mjög næm fyrir lykt því ég er barnshafandi. Kannski er það ástæðan fyrir því að ég leitast við að tengja fríin okkar við nýja ilminn," sagði Céline.