Alvarleg líkamsárás í Breiðholti

Alvarleg líkamsárás var framin í fjölbýlishúsi í neðra Breiðholti um þrjú leitið í nótt og þurfti að gera að sárum þolandans á Slysadeild Landsspítalans. Tveir menn náðu manninum fram á stigagang og gengu þar í skrokk á honum.

Nágrannar vöknuðu upp við mikinn hávaða og kölluðu á lögreglu, en árásarmennirnir voru á brott þegar hún kom á vettvang.

Þolandinn meiddist meðal annars mikið í andliti og er jafnvel kinnbeinsbrotinn.

Vitað er hverjir árásarmennirnir eru, og er þeirra nú leitað. Málið viðrist tengjast einhverskonar uppgjöri og hafa árásarmennirnir áður gerst brotlegir við lög.