Lífið

Gerpla Baltasars frumsýnd

Þorgerður Katrín Gunnarsdóttir hefur eins og aðrir Alþingismenn haft í nægu að snúast en gaf sér þó tíma til að fara með móður sinni, Katrínu Arason, í leikhúsið að sjá Gerplu.
Þorgerður Katrín Gunnarsdóttir hefur eins og aðrir Alþingismenn haft í nægu að snúast en gaf sér þó tíma til að fara með móður sinni, Katrínu Arason, í leikhúsið að sjá Gerplu.
Þjóðleikhúsið frumsýndi á föstudaginn leikverkið Gerplu sem byggt er á samnefndri sögu Halldórs Laxness. Þetta er í fyrsta skipti sem þessi magnaða bók nóbelsskáldsins fer á svið en það eru þeir Baltasar Kormákur og Ólafur Egill Egilsson sem eiga heiðurinn af leikgerðinni. Baltasar situr síðan í leikstjórastólnum en með tvö helstu hlutverkin fara þeir Björn Thors og Jóhannes Haukur Jóhannesson. Mikil stemning skapaðist á undan sýningunni og þegar ljósmyndara Fréttablaðsins bar að garði var ekki annað að sjá en gestir sýningarinnar gætu vart beðið eftir að komast inn og sjá þessa frægu sögu Halldórs lifna við.
Mikið var spjallað á undan sýningunni og þeir Jón Baldvin Hannibalsson og Erlingur Gíslason höfðu eflaust frá einhverju merkilegu að segja sem Ingu Bjarnason þótti auðsýnilega nokkuð skondið
Þau voru stolt af stráknum sínum, Baltasar Samper og Kristjana, foreldrar Baltasars Kormáks, leikstjóra Gerplu. Þau gátu vart beðið eftir að sjá nýjasta verkið hans.


Hin aldni höfðingi, Árni Tryggvason var að sjálfsögðu á staðnum ásamt Bryndísi Schram og Hrafnhildi Ingólfsdóttur. Fréttablaðið/Stefán
Ritstjóri Pressunar, Björn Ingi Hrafnsson, var meðal gesta ásamt eiginkonu sinni, Hólmfríði Rós Eyjólfsdóttur.
Þeir Viðar Eggertsson og sambýlismann hans, Sveinn Kjartansson, láta sig helst aldrei vanta þegar stórviðburðir í menningarlífinu eru annars vegar.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.