Besti fyrrum rapparinn

Leikarinn Will Smith hefur verið kjörinn besti leikarinn sem áður var rappari samkvæmt skoðanakönnun síðunnar Movietickets.com. Smith, sem er 41 árs og hefur leikið í myndum á borð við Men in Black og Hancock, sigraði með yfirburðum og fékk 58% atkvæða. Hann var þekktur sem rapparinn The Fresh Prince áður en hann sneri sér að leiklistinni. Í öðru sæti í könnuninni lenti Mark Wahlberg, áður þekktur sem Marky Mark, með 23% atkvæða og TI komst í þriðja sætið með 7% atkvæða. Á eftir þeim komu Mos Def og Ludacris með 6% hvor.