Fjórir slösuðust í sprengjuárás á þjóðhátíð

Fjórir slösuðust, þar af einn alvarlega, þegar sprengjur sprungu innan um gesti á þjóðhátíð í Vestmannaeyjum um verslunarmannahelgina.

Sprengjurnar virðast hafa verið útbúnar úr glerflöskum, og sagði vefmiðillinn Pressan frá því í gær að maður hefði slasast talsvert þegar hann fékk glerbrot í kálfann þegar ein sprengnanna sprakk nærri honum.

Gæsla var í Herjólfsdal, en ekki tókst að hafa hendur í hári þess eða þeirra sem bar ábyrgð á sprengingunum. Lögregla heyrði fyrst af málinu í gær og rannsakar nú sprengjuárásirnar. - bj