Missti fóstur

Fjölmiðlafulltrúi bresku söngkonunnar Lily Allen, 25 ára, sendi tilkynningu til fjölmiðla í morgun fyrir hönd söngkonunnar og unnusta hennar, Sam Cooper, að hún missti fóstur um helgina en hún var gengin sex mánuði á leið.

Lily, sem hefur verið ófeimin við að tala um meðgönguna og hvað hana hlakkaði til að eignast frumburðinn var flutt í skyndi á spítala á fimmtudagsmorgun eftir að hún fékk sára magaverki. Ekki var hægt að koma í veg fyrir fósturmissinn yfir helgina.

Ekki nóg með áfallið sem söngkonan gekk í gegnum yfir helgina heldur missti Lily einnig fóstur í lok árs 2007 en þá var hún í sambandi með Ed Simons.