Daðra á tökustað

Leikkonan Cameron Diaz leikur á móti fyrrum kærasta sínum, söngvaranum Justin Timberlake, í myndinni Bad Teacher og að sögn sjónarvotta daðra þau linnulaust. Diaz og Timberlake slitu sambandi sínu árið 2007 og tók hann stuttu síðar saman við leikkonuna Jessicu Biel.

„Hann vissi að það mundi særa Jessicu tæki hann þetta hlutverk að sér og nú rífast þau stanslaust. Á meðan skemmta Cameron og Justin sér hið besta saman við tökur á myndinni," var haft eftir heimildarmanni. „Þau rífast mikið og Justin finnst Jessica vera öfundsjúk og í hvert sinn sem þau rífast sækist Justin meira í félagsskap Cameron."