Seðlabankastjóri tók þátt í Reykjavíkurrallý

Már Guðmundsson brá sér úr hefðbundnu hlutverki seðlabankastjóra í kvöld. Í stað þess að dvelja á skrifstofu sinni á Kalkofnsvegi ákvað Már að gerast aðstoðarökumaður Daníels Sigurðssonar í Reykjavikurrallý sem hófst í dag. Daníel ekur um á Subaru Impreza.

Reykjavíkurrallýið mun standa yfir frammá sunnudag en Már hefur hins vegar lokið keppni því að Ásta Sigurðardóttir, systir Daníels, er hinn eiginlegi aðstoðarökumaður bróður síns og verður honum til halds og traust það sem eftir lifir keppni.