Pilturinn í Reykjanesbæ grunaður um ölvunarakstur

Piltur sem velti bifreið með þeim afleiðingum að tvær stúlkur létust og ein liggur þungt haldin á gjörgæslu landspítalans, er grunaður um að hafa verið ölvaður þegar hann ók bílnum. Þetta kemur fram í tilkynningu frá lögreglunni sem hún sendi frá sér í dag.

Fjórir voru í bifreiðinni þegar bifreið valt snemma á laugardagsmorguninn. Ungmennin voru á aldrinum 18-19 ára. Stúlkurnar þrjár sem ekki virðast hafa verið í bílbelti köstuðust út úr bifreiðinni en pilturinn sem ók var í bílbelti samkvæmt tilkynningu lögreglunnar. Hann slapp með minniháttar meiðsli.