Ein líkamsárás kærð í Eyjum

Ein minniháttar líkamsárás var kærð til Lögreglunnar í Vestmannaeyjum í dag og örfá fíkniefnamál komu upp. Samkvæmt upplýsingum frá varðstjóra hefur þjóðhátíð farið rólega af stað.

Húkkaraballið er í kvöld og segist varðstjóri búast við miklu fjöri þar. Fólk er byrjað að streyma til eyjarinnar og veðrið hefur verið ágætt í dag. Örlítil rigning í morgun en annars þurrt.

Lögreglan er með mikinn viðbúnað vegnar hátíðarinnar og von er á lögreglumönnum frá landi. „Við fáum góða sendingu á morgun," segir hann.