Litháar sakfelldir í mansalsmáli

Fimm Litháar voru í héraðsdómi Reykjaness nú klukkan þrjú dæmdir sekir af ákæru um mansal. Þeir voru ákærðir fyrir að hafa ætlað að selja í vændi nítján ára stúlku sem hingað kom frá litháen. Upp komst um málið þegar stúlkan trylltist í flugvél á leið hingað til lands. Hún hefur farið huldu höfði undanfarnar vikur.

Þinghald í málinu er lokað og ekki vitað hversu þunga dóma þeir hlutu. Samkvæmt almennum hegningarlögum liggur allt að átta ára fangelsi við brotum af þessu tagi.

Íslenskur maður sem ákærður var fyrir að leggja þeim til húsnæði var sýknaður.