Missti sjónar á góðum gildum

„Því verður ekki með orðum lýst, hvernig mér líður vegna mistaka minna og afleiðinga þeirra. Þær yfirsjónir verða ekki aftur teknar. Við það verð ég að lifa." Þetta segir Jón Ásgeir Jóhannesson í grein sem hann skrifar í Fréttablaðið í dag.

„Ég sé glöggt að ég missti iðulega sjónar á góðum gildum og mörgu því sem mestu skiptir í lífinu." Jón Ásgeir segist í baksýnisspeglinum sjá að fjármálakerfið hafi alla tíð verið dæmt til að hrynja og haustið 2008 hafi fjármálaofviðri loks feykt spilaborginni um koll. Tími sjálfsblekkinga og draumóra hafi þá runnið út. „Fjármuni í felum á aflandseyjum á ég enga. En ég heiti íslensku þjóðinni því að gera allt sem í mínu valdi stendur til að bæta fyrir mistök mín..." -