Dagbókarfærslur Einars

Í dag kl. 16 verður opnuð málverkasýning Einars Garibaldi Eiríkssonar, Grand Tour, í Gallerí Ágúst, sem er á Baldursgötu 12. Á sýningunni eru fundin málverk (Tableaux trouvés) sem Einar hefur safnað á götum sögufrægra borga Ítalíu á undanförnum árum, en titill sýningarinnar vísar til „Grand Tour“-ferðanna er náðu hámarki sínu á 18. öldinni. Á síðasta áratug hefur Einar ferðast í fótspor hinna þekktu ferðalanga um Ítalíu, þar sem hann hefur meðal annars starfað sem leiðsögumaður. Líta má á hin fundnu málverk sem dagbókarfærslur Einars, með vísunum til þeirra listamanna er tóku sér þetta ferðalag á hendur í leit að skilningi á sameiginlegri arfleifð.

Sýningin stendur yfir til 27. mars.