Bláar ninjur brutu upplýsingaskilti fjölmiðlafyrirtækis

Sjö bláar ninjur léku listir sínar fyrir utan höfuðstöðvar fjölmiðlafyrirtækisins 365 í Skaftahlíð, sem Vísir.is tilheyrir, en ekki vildi betur til en að ein ninjan braut upplýsingaskilti fyrirtækisins í leikfimi sinni.

Um er að ræða skilti þar sem finna má út hvar deildir fyrirtækisins eru í húsinu. Það mölbrotnaði í átökum við ninjuna.

Vitni telja að ninjan sem braut skiltið hafi gert það fyrir slysni þrátt fyrir talsverða leikni sem hún sýndi. Ekki er vitað hvað ninjunum gengur til en í myndbandi sem finna má á Youtube og á Facebook-síðu sinni hvetja þær fólk til þess að hugsa.

Ekki er ljóst hvað ninjurnar vilja að almenningur hugsi um en vitni að gjörningi ninjanna fyrir utan höfuðstöðar fyrirtækisins í Skaftahlíð velta vissulega vöngum yfir því hvað þeim gekk til.

Hér má sjá myndband bláu ninjanna.

Hér er hlekkur á Facebook-síðu þeirra þar sem finna má fleiri myndbönd.