Eitt prósent þjóðarinnar á auðinn

Um eitt prósent þjóðarinnar, vel innan við fjögur þúsund manns, á yfir þrjú hundruð og fimmtíu milljarða króna eignir, eða sem slagar hátt upp í fjárlög íslenska ríkisins.

Í opinberum tölum um skatta landsmanna sem birtar voru í gær segir meðal annars að sérstakur skattur á stóreignafólk hafi gefið af sér tæpa 4 milljarða króna. Þar sem skatturinn nemur 1.25% af eignum þessa fólks. Þannig má reikna út að eignir fólksins í heild nema um 350 milljörðum króna. Það slagar hátt í fjárlög íslenska ríkisins sem eru fimm hundruð og fimmtíu milljarðar. En hversu margir eru þetta nú? Þrjú þúsund og átta hundruð manns greiða skattinn, rétt rúmlega eitt prósent þjóððarinnar, sem á að jafnaði eignir fyrir upp undir eitthundrað milljónir króna.

Fram kemur einnig í þessum tölum að álagður fjármagnstekjuskattur einstaklinga nemur tæpum sextán milljörðum króna. Nokkuð dregur úr honum miðað vð síðasta ár, en miðað við skattinn má ætla að framtaldar fjármagnstekjur hafi verið á bilinu 120 til 160 milljarðar króna.

Upp undir hundrað og sextíu þúsund manns telja fram launatekjur upp á áttatíu og átta milljarða.