Fjárlagagerð gæti riðið ríkisstjórninni að fullu

Þingmenn Samfylkingarinnar eru afar ósáttir við það sem þeir kalla hótanir óánægjuarms vinstri grænna í garð ríkisstjórnarinnar. Örlög ríkisstjórnarinnar gætu ráðist í haust þegar kemur að fjárlagagerðinni.

Yfirlýsingar þingmanna Vinstri grænna um síðustu helgi vegna Magma málsins hafa vakið spurningar um ríkisstjórnarsamstarfið og hvort ríkisstjórnin hafi yfir höfuð getu til að takast á við þau stóru verkefni sem eru framundan.

Þó aðeins sé líðið rúmt ár frá því að ríkisstjórnin var mynduð hafa átakamálin verið mörg. Þannig hefur óánægjuarmur Vinstri grænna lýst yfir andstöðu við mörg mál sem sérstaklega er kveðið á um í stjórnarsáttmálum. Þar á meðal ESB málið, samstarfið við Alþjóðagjaldeyrissjóðinn og frumvarp um fækkun ráðuneyta.

Ögmundur Jónasson hætti sem heilbrigðisráðherra til að mótmæla vinnubrögðum ríkisstjórnar í Icesave málinu í september á síðasta ári.

Ögmundur greiddi atkvæði gegn Icesave málinu á Alþingi um síðustu áramót og einnig Lilja Mósesdóttir. Þau tvö ásamt Ásmundi Einari Daðasyni, Atla Gíslasyni og Guðfríði Lilju Grétarsdóttur tilheyra óánægjuarminu sem margir vilja meina að sé í raun þriðji ríkisstjórnarflokkurinn.

Á flokkstjórnarfundi Samfylkingarinnar í mars líkti Jóhanna Sigurðardóttir forsætisráðherra samstarfinu við Vinstri Græna við að smala köttumþ

Það hefur jafnvel verið rætt um þann möguleika að taka framsóknarmenn inn í ríkisstjórn til að styrkja stjórnina.

Þeir stjórnarliðar sem fréttastofa ræddi við í dag telja að enn sé vilji til áframhaldandi samstarfs en Samfylkingarmenn eru þó afar óánægðir með yfirlýsingar Vinstri grænna í magma málinu. Einn talaði um hótanir og að Vinstri grænir væru sífellt að skella skuldinni á Samfylkinguna þegar kæmi að óþægilegum málum.

En ríkisstjórnin mun væntanlega ekki falla á Magma málinu, ESB eða Icesave að sögn þeirra stjórnarliða sem fréttastofa ræddi við. Stóra prófið verður í haust þegar kemur fjárlagagerðinni og þeim niðurskurði sem er framundan.

Ef flokkarnir ná ekki samstöðu um leiðir í því sambandi mun ríkisstjórnin liðast í sundur og verður þá væntanlega boðað til