Ekið á kyrrstæðan Yaris á Snæfellsnesi

Ekið var aftan á kyrrstæðan bíl, af gerðinni Toyota Yaris, á veginum milli Búða og Arnarstapa á sunnanverður Snæfellsnesi um hálf þrjú í dag. Tveir sjúkrabílar eru á leið til Reykjavíkur með slasaða eftir áreksturinn sem var mjög harður að sögn varðstjóra hjá lögreglunni í Stykkishólmi.

Þyrla Landhelgisgæslunnar var afturkölluð en hún var í viðbragðsstöðu. Lögreglan gat ekki gefið upp hve margir slösuðust í árekstrinum. Að sögn varðstjóra er það algengt að útlendingar stoppa á vegum landsins til að skoða umhverfið og mynda. Hann gat þó ekki staðfest að þeir sem slösuðust séu útlendingar.