Vegurinn inn í Herðubreiðarlindir lokaður

Vegurinn inn í Herðubreiðarlindir lokaðist í gær vestan við Jökulsá á Fjöllum vegna vatnavaxta í Lindaá og er líklega enn lokaður.

Þrátt fyrir það er hægt að komast að Öskju og í Herðubreiðarlindir að austanverðu. Vegurinn um svonefndar Flæður á Gæsavatnaleilð varð líka ófær í gær vegna vatnavaxta.

Loks berast þær fréttir úr Þórsmörk að Krossá hafi breytt farvegi sínum og sé af og til orðinn farartálmi á leiðinni í Bása. Þar rennur áin stundum yfir veginn við Álfakirkju.