Seinkað um hálft ár

Frumsýningu á teiknimyndinni Cars 2 hefur verið seinkað um hálft ár og verður hún því sýnd í desember á næsta ári. Í myndinni fer kappakstursbíllinn Lightning McQueen, sem Owen Wilson talar fyrir, í ferðalag um heiminn og kemur við í Bretlandi, Frakklandi, Þýskalandi og Japan. Trukkurinn Mater og jeppinn Finn McMissile, sem er njósnari í anda James Bond, koma einnig við sögu í myndinni. Fyrsta Cars-myndin kom út árið 2006 við mjög góðar undirtektir og hafa mörg ungmenni beðið með eftirvæntingu eftir framhaldinu.