Slitnað upp úr viðræðum

Samkvæmt heimildum Vísis hefur slitnað upp úr viðræðum ríkisins og slökkvuliðs og sjúkraflutningamanna. Hljóðið í fundarmönnum var þungt í dag og runnu viðræðurnar út í sandinn.

Samningar slökkviliðs og sjúkraflutningarmanna hafa verið lausir síðan í ágúst á síðasta ári. Síðustu vikur hafa slökkviliðsmenn hótað verkfallsaðgerðum og var fundurinn í dag lokatilraun til að ná sáttum í deilunni áður en boðað verkfall myndi hefjast á föstudaginn.

Slökkvuliðs og sjúkraflutningamenn stilltu sér upp fyrir framan hús ríkissáttasemjara í Borgartúninu í dag og mótmæltu bágum kjörum sínum.