Mótmæla bágum kjörum

Slökkviliðs- og sjúkraflutningamenn stilltu sér upp fyrir framan hús ríkissátasemjara í Borgartúninu laust eftir klukkan tvö í dag þar sem samninganefnd þeirra fundaði með launanefnd sveitarfélagana.

Samningar slökkviliðs og sjúkraflutningarmanna hafa verið lausir síðan í ágúst á síðasta ári og var þungt hljóð í þeim sem mættu á mótmælin. Sumir báru skilti og spjöld þar sem meðal annars var spurt: „Verður þitt líf það næsta sem við björgum - eða hvað?"

Náist ekki að semja á fundinum í dag lítur allt út fyrir að boðað verkfall slökkviliðs og sjúkraflutningamanna hefjist á föstudaginn.