Vélarnar voru á lofti í 40 tíma

Met var slegið í flugi tveggja óauðkenndra TU-95 sprengjuflugvéla Rússlandshers sem flugu í tvígang um íslenska loftrýmiseftirlitssvæðið laust fyrir síðustu mánaðamót.

Fram kemur í frétt rússnesku fréttastofunnar RIA Novosti að vélarnar hafi verið á lofti í 40 klukkustundir og að flogið hafi verið yfir Norður-Íshafið, Atlantshaf og Kyrrahaf.

Varnarmálastofnun greindi í fyrradag frá flugi vélanna hér. Eftirlitsflug Rússa var hafið á ný í forsetatíð Vladimírs Pútín, í ágúst 2007.- óká