Missti atvinnuleysisbætur - heiðarleiki borgar sig

Eldri kona sem verið hefur atvinnulaus frá hruni fyrirgerði rétti sínum til bóta þegar hún hringdi sig inn veika. „Ég vildi bara vera heiðarleg," segir konan.

Guðrún Sigurðardóttir vann lengi í flutningsgeiranum en missti svo vinnuna eins margir í hruninu. Síðan þá hefur hún tekið atvinnuleysisbætur, fyrir utan fjóra daga þar sem hún þáði engar bætur, því hún Guðrún hrigdi sig inn veika

Guðrún segist hafa gert þetta af heiðarleika. Ekkert annað hafi komið til greina. Henni sárnaði því þegar henni var tjáð nokkru síðar að hún hefði misst rétt sinn til bóta í tvo mánuði þar sem hún hefði ekki mætt á fund sem hún var boðuð á hjá Vinnumálastofnun. Guðrún kom af fjöllum enda ekki fengið neitt fundarboð. Eina skýringin sem henni datt í hug var að fundarboðið hafi verið borið í vitlausan póstkassa eins og borið hefur á í hennar tilviki.

Velta má því fyrir sér hvort heiðarleikinn hafi borgað sig á endanum í tilviki Guðrúnar, því vinnumálastofnun hefur nú fallist á skýringar hennar og þar með rétt hennar til bóta.