Búið að aflýsa fluginu - Farþegar ósáttir

Flugfélag Íslands hefur ákveðið að aflýsa fyrirhuguðu flugi til Húsavíkur þar sem slökkviliðsmenn komu í veg fyrir að farþegar kæmust um borð. Næsta flug til Húsavíkur er áætlað klukkan fjögur og segjast starfsmenn vonast til þess að unnt verði að koma farþegum um borð í það flug. 

Starfsmaður Flugfélags Íslands segir að flugfarþegar séu ósáttir og reiðir vegna þess að slökkviliðsmennirnir hafi lokað öllum útgöngum á flugvellinum. „Við erum búnir að kalla um borð en málið er að þeir neita farþegum okkar að ganga um borð," segir starfsmaðurinn.

Samkvæmt fréttamanni Vísis sem er á staðnum spurðu farþegarnir slökkviliðsmennina hvort að þeir myndu endurgreiða þeim miðana. Þeir svörðu því þannig að þeir skyldu tala við launanefnd sveitarfélaganna.