Reyna að stöðva flugfarþega á Reykjavíkurflugvelli

13. ágúst 2010 13:48

Slökkviliðsmenn reyna að hindra för fólks sem á að fara með flugvél til Húsavíkur. Þeir segjast gera það öryggis þeirra vegna. Mynd/ Frá Reykjavíkurflugvelli

Um fjörutíu slökkviliðsmenn eru nú á Reykjavíkurflugvelli til þess að mótmæla innanlandsflugi til Húsavíkur en þangað var Akureyrarflug dagsins fært þar sem slökkviliðsmenn fóru í verkfall í morgun. Slökkviliðsmennirnir reyna að hindra að farþegar komist um borð.

Mótmælendurnir dreifa miðum til væntanlegra flugfarþega þar sem þeir eru minntir á verkfallið og þeim bent á að slökkvibíllinn á Húsavík sé um 30 ára gamall auk þess sem maðurinn sem eigi að stjórna honum sé ekki þjálfaður slökkviliðsmaður. Að síðustu minna slökkviliðsmennirnir á, að í dag er föstudagurinn þrettándi.

Nú rétt fyrir klukkan tvö bárust þær upplýsingar frá Reykjavíkurflugvelli að slökkviliðsmenn reyni nú að hindra för fólks um borð í vélina til Húsavíkur en hún á að fara í loftið núna klukkan tvö.

Tengdar fréttir

Isavia: Ekki slegið af öryggiskröfum

Hjördís Guðmundsdóttir, upplýsingafulltrúi Isavia segir að ekkert sé slegið af öryggiskröfum á Aðaldalsvelli við Húsavík en þangað stendur til að vísa Akureyrarflugi dagsins vegna verkfalls Slökkviliðs- og sjúkraflutningamanna. Slökkviliðsbíll hefur verið fluttur frá Bakkaflugvelli til þess að uppfylla öryggiskröfur og munu starfsmenn Isavia manna hann.

13. ágúst 2010 12:37

Samningafundi slökkviliðsmanna lauk án niðurstöðu

Samningafundi slökkviliðs- og sjúkraflutningamanna með samninganefnd sveitarfélaga lauk hjá ríkissátatsemjara á sjötta tímanum í morgun, án árangurs og hefur annar fundur ekki verið boðaður.

13. ágúst 2010 07:01

Isavia samþykkir að opna flugvöllinn á Húsavík

Flugfélag Íslands hefur farið þess á leit við Isavia ohf. að flugvöllurinn á Húsavík verði opnaður í dag 13.ágúst 2010 fyrir flugvélar Flugfélagsins. Isavia hefur samþykkt að verða við þessari beiðni og hefur því flutt slökkvibifreið sína frá flugvellinum á Bakka til Húsavíkur.

13. ágúst 2010 08:05

Verulega slegið af öryggiskröfum í Húsavíkurflugi

Landssamband Slökkviliðs og sjúkraflutningamanna telur að með því að flytja gamlan slökkvibíl frá Bakkaflugvelli til Húsavíkur til þess að hægt sé að lenda á flugvelli bæjarins sé verið að slá verulega af öryggiskröfum sem alla jafna séu gerðar í farþegaflugi.

13. ágúst 2010 12:10

Fara yfir grundvallaratriði og meta stöðuna

„Við erum að fara yfir grundvallaratriði í þessum málum og ræða saman,“ segir Sverrir Björn Björnsson formaður Landssambands slökkviliðs- og sjúkraflutningamanna. Um 70 félagsmenn hittust í Húnabúð í Skeifunni klukkan níu í morgun til að fara yfir stöðuna í samningaviðræðum en þriðja verkfall þeirra hófst klukkan átta í morgun og lýkur á miðnætti.

13. ágúst 2010 09:32

Munu ekki fara út í ólöglegar aðgerðir

„Meðan þeir halda sig inni á svæðinu sem slíku, teljum við okkur ekki getað gert neitt til að hindra þeirra för. Ef þeir fara út fyrir svæðið er viðbúið að við hindrum för bílsins," Anton Carrasco slökkviliðsmaður og verkfallsvörður á Húsavík. Anton er staddur á Aðaldalsfluvelli á Húsvík ásamt fimmtán til tuttugu örðum slökkviliðsmönnum.

13. ágúst 2010 13:38

Mest lesið

Fleiri fréttir