ASÍ átelur flutning farþegaflugs til Akureyrar

Alþýðusamband Íslands átelur aðgerðir Isavia og Flugfélags Íslands, sem felast í flutningi farþegaflugs frá Akureyri til Húsavíkurflugvallar.

Í yfirlýsingu frá ASÍ segir að með þessum flutningum sé einungis verið að reyna að komast hjá löglega boðuðu verkfalli og hafa þar með óeðlileg áhrif á gang mála. Slíkar aðgerðir fara gegn þeim grundvallarrétti stéttarfélaga sem felst í því að semja um kaup sín og kjör og beita lögmætum aðgerðum í því skyni.

ASÍ segir að verkfallsrétturinn sé grundvallarréttur hvers stéttarfélags og óheimilt sé lögum samkvæmt að brjóta eða komast hjá löglega boðuðum vinnustöðvunum.