Herjólfur á áætlun

Ferjan Herjólfur siglir samkvæmt ætlun í dag, samkvæmt upplýsingum frá Siglingastofnun. Verið er að ljúka við að hreinsa upp svæðið við bryggjuna.

Við sögðum frá því á Vísi.is í dag og í hádegisfréttum Bylgjunnar að Herjólfur strandaði um stund, þegar skipið var að leggja af stað með 500 farþega frá Landeyjahöfn áleiðis til Vestmannaeyja á miðnætti í gærkvöldi.

Ástæðan var sú að ekki var búið að dýpka höfnina eins og áætlað var, þegar hún var tekin í notkun og svo kom í ljós að meiri gosaur hafði borist í hana en reiknað var með. En nú er búið að ganga úr skugga um það að ferjan geti siglt hindrunarlaust.