Ofurölvi og réttindalaus velti bíl sínum á Miklubraut

Ofurölvi og réttindalaus ökumaður velti bíl sínum á Miklubraut, á móts við Rauðarárstíg í Reykjavík á þriðja tímanum í nótt og stakk af frá vettvangi.

Hann ók í austurátt, en missti stjórn á bílnum í beygju, fór í gegnum girðingu og hafnaði á hvolfi á öfugum vegarhelmingi. Svo vel vildi til að engin bíll kom úr gagnstærði átt þegar þetta gerðist.

Lögreglumenn fundu ökumanninn skömmu síðar þar sem hann hafði falið sig í trjágróðri á Klambratúni. Eftir aðhlynningu og skoðun á Slysadeild var hann vistaður í fangageymslum og verður yfirheyrður í dag.