Líkt við tölvuvírus

Átrúnaðargoð X-Factor stjörnunnar Susan Boyle lét ekki svo fögur orð falla um söngkonuna í viðtali við The Daily Mail fyrir stuttu. Ellen Paige hefur gert garðinn frægan fyrir hlutverk sín í hinum ýmsu söngleikjum og hefur Susan Boyle ávallt nefnt Paige á nafn þegar hún er spurð um áhrifavalda sína.

Hingað til hefur Paige sýnt Boyle nokkurn stuðning og meðal annars sungið með henni dúett, en í nýlegu viðtal við Paige virðist hún ekki mikill aðdáandi X-Factor stjörnunnar. „Susan Boyle hefur náð mjög langt miðað við það að hún varð fræg yfir nóttu með aðstoð Youtube. Hún var eins og vírus sem ferðaðist um heiminn á nanósekúndu. Hún hefur enga reynslu á sviði leiklistar, tónlistar eða listar yfirhöfuð,“ sagði Paige um hina skosku Boyle.