Sóttu fótbrotinn mann í Laufáshnjúk

Björgunarsveit Landsbjargar í Grenivík var kölluð út um tíu leitið í gærkvöldi til að sækja karlmann, sem hafði fótbrotnað í gönguferð í Laufáshnjúk, fyrir ofan bæinn Laufás í Eyjafirði.

Slysið varð ofarlega í fjallinu og báru björgunarmenn hinn slasaða fyrsta spölinn niður hlíðina, en á móti kom öflugur björgunarsveitarbíll og flutti hann niður í sjúkrabíl, sem ók hinum slasaða á Fjórðungssjúkrahúsið á Akureyri.

Maðurinn hrasaði, en við það losnaði stór steinn sem lenti á fæti hans.