Vill rassskella Lady Gaga

Fyrrum frirsætan Janice Dickinson, sem er þátttakandi í sjónvarpsþættinum Celebrity Rehab, er ósátt við ummæli söngkonunnar Lady Gaga, en hún sagðist neyta eiturlyfja endrum og sinnum í nýlegu viðtali.

„Lady Gaga er hálfviti. Mér finnst það ætti að rassskella hana fyrir það hvernig hún talaði um eiturlyfjanotkun,“ sagði fyrirsætan hneiksluð. „Hún á unga aðdáendur og ummæli sem þessi geta haft slæm áhrif á börn. Tónlist hennar minnir mig á lyftutónlist. Hún er búin að vera.“

Dickinson var vinsæl fyrirsæta á níunda áratugnum og starfaði einnig sem dómari í sjónvarpsþáttunum America‘s Next Top Model.