Lýsa áhyggjum af skipan Ástu Sigrúnar

Nokkur fjöldi fólks hefur haft samband við Hagsmunasamtök heimilanna og lýst yfir áhyggjum sínum vegna ráðningar Ástu Sigrúnar Helgadóttur í embætti umboðsmanns skuldara. Hún er gagnrýnd fyrir að hafa ekki tekið nægilega afgerandi afstöðu með skuldurum í störfum sínum sem forstjóri Ráðgjafastofu heimilanna.

Ástu var boðið hið nýstofnaða embætti eftir að skuldamál Runólfs Ágústssonar urðu honum að falli. Embættið er stofnað á grunni Ráðgjafastofu heimilanna sem Ásta hefur veitt forstöðu í fjölda mörg ár. Það eru eimitt störf hennar þar sem valda því að ekki eru allir á eitt sáttir með skipan hennar. Doktor í stjórnsýslufræðum sagði til að mynda í kvöldfréttum RÚV í gær að Ásta ekki hafa sýnt leiðtofahæfileika sem samfélagið þarf á að halda í ljósi þess hve staða skuldara hefur veikst á hennar tíma í starfi.

Hagsmunasamtök Heimilanna hafa líka orðið vör við ónægju með skipan Ástu. Friðrik Ó. Friðriksson, formaður Hagsmunasamtaka heimilanna, segir að hagsmunastamtökin sjálf hafi ekki verið ánægð með störf ráðgjafastofu heimilanna. Þau hefðu borið þess merki að stofan var að meirihluta skipuð fulltrúum fjármálafyrirtækja

Friðrik tekur fram að nú sé hins vegar tækifæri til að skerpa á þessari starfsemi með nýstofnuðu embætti sem samkvæmt lögum ber að taka afstöðu með skuldurum gegn fjármálafyrirtækjum. Ásta Sigrún tók í sama streng í samtali við fréttastofu. Hún sagði hins vegar eðlilegt að ekki séu allir sáttir við störf Ráðgjafastofunnar en vísaði því á bug að embættið hefði tekið hagsmuni fjármálafyrirtækja fram yfir hagsmuni skuldara.