Jón skiptir yfir í vistvænan bíl

Jón Gnarr borgarstjóri skiptir um embættisbifreið í dag og tekur vistvænan bíl í notkun. „Mér skilst að þetta sé vetnisbíll og mig langar að sýna fordæmi í því að prófa þessa bíla og taka þátt í þessu," segir Jón.

„Mér finnst mjög mikilvægt að við, bæði borgin og við Íslendingar, tökum þátt í þróun á svona farartækjum, að við séum þátttakendur í henni en ekki bara áhorfendur. Við höfum alla möguleika á því og alla burði til að verða fyrirmynd annarra þjóða."

Bílarnir verða fengnir að láni og bílum sem nú er notast við skilað við sama tækifæri.- kóp