Útgáfutónleikar Rökkurró í kvöld

Hljómsveitin Rökkurró gaf nýlega út sína aðra breiðskífu, Í annan heim, hjá 12 Tónum. Platan hefur fengið góðar viðtökur og hefur til að mynda verið ofarlega á Tónlistanum frá því að hún kom út.

Til að fagna útgáfunni blæs hljómsveitin til útgáfutónleika, en þeir fara fram í Iðnó í kvöld, og verður platan þar leikin i heild inni. Rökkurró mun fá ýmsa gesti sér til liðs við flutninginn, meðal annars strengjasveit og aðra hljóðfæraleikara. Það er hljómsveitin Of Monsters and Men sem sér um upphitun en sveitin sigraði í Músíktilraunum í ár.

Húsið verður opnað kl. 20.30 og hefjast tónleikarnir stundvíslega klukkan 21.

Forsala miða er í 12 Tónum Skólavörðustíg og kostar miðinn þar 1.000 kr en 1.200 krónur við innganginn. - jbá

Hér er hægt að hlusta á lagið Sólin mun skína af nýju plötunni.