Góður gangur í umferðinni

Umferðin um þjóðvegi landsins gekk vel í gærkvöldi og í nótt, nema hvað tveir bílar ultu á leið frá Landeyjahöfn í nótt, en engan sakaði. Annar ökumaðurinn er grunaður um ölvunarakstur.

Hjón og barn þeirra sluppu einng ótrúlega vel, að sögn lögreglu, þegar bíll þeirra valt út af veginum við Ljáskóga í Dölum síðdegis í gær, en bíllinn er ónýtur. Ekki er vitað um önnur slys eða óhöpp í umferðinni.

Þá var hraðakstur með minnsta móti nema hvað erlendur ferðamaður var stöðvaður á Suðurlandsvegi skammt frá Hvolsvelli í gærkvöldi, eftir að bíll hans hafði mælst á 155 kílómetra hraða og ungur íslenskur ökumaður var stöðvaður í Ártúnsbrekku í gærkvöldi. Hann hafði mælst á tæplega 150 kílómetra hraða og var sviftur ökuréttindum.

Það er samdóma álit lögreglumanna um allt land að helgarumferðin hafi gengið óvenju vel