Þrítugur maður ákærður fyrir manndráp

Rúmlega þrítugur karlmaður hefur verið ákærður fyrir manndráp við Bjarnarvelli í Reykjanesbæ laugardaginn 8. maí síðastliðinn. Snemma morguns þann dag fannst maður á sextugsaldri látinn í götunni.

Fljótlega beindist grunur lögreglunnar að hinum ákærða sem var handtekinn grunaður um að hafa orðið manninum að bana. Hann hefur setið í gæsluvarðhaldi síðan 9. maí vegna rannsóknar málsins og almannahagsmuna. Hann hefur játað aðild að málinu.

Sigríður Friðjónsdóttir, aðstoðarríkissaksóknari, sækir málið af hálfu ákæruvaldsins.