Eitraður sveppur finnst á leikskólalóð á Akureyri

Eitraður sveppur fannst á leikskólalóð á Akureyri nú á dögunum. Á vef Umhverfisstofnunar segir að ábending frá Náttúrufræðistofnun Íslands hafi borist stofnuninni.

Sveppurinn heitir Garðlumma (Proxillus involutus) og er nokkuð útbreiddur hér á landi og finnst birkikjarri, trjágörðum og á grasflötum í þéttbýli. Hann er eitraður hvort sem hann er borðaður hrár eða soðinn. Eiturefnin í sveppinum ráðast á meltingarfærin og valda magakvölum, uppköstum og niður gangi. Einnig geta einkennin verið snarlækkaður blóðþrýstingur, veikur og hraður púls, svimi, sjóntruflanir og meðvitundarleysi.

Umhverfisstofnun bendir starfsfólki á leikskólum landsins á að tína sveppina jafnharðan og þeir vaxa svo ekki sé hætta á að börn borði þá.

Búið er að fjarlægja sveppinn af lóð leikskólans á Akureyri.