Ernir flýgur milli Reykjavíkur og Eyja

Flugfélagið Ernir mun fljúga áætlunarflug milli Reykjavíkur og Vesmannaeyja frá og með morgundeginum. Flogið verður alla daga vikunnar tvisvar á dag.

Samkvæmt upplýsingum frá flugfélaginu verður flogið á 19 farþega skrúfuþotu af gerðinni Jetstream 32. Fyrsta flug Ernis frá Reykjavík er klukkan átta á morgun og frá Eyjum klukkan korter í níu.

Fyrir flýgur Flugfélagið Ernir áætlunarflug á Höfn í Hornafirði, Sauðárkrók, Bíldudal og Gjögur. Búist er við að farþegastreymi Flugfélagsins Ernis tvöfaldist við tilkomu áætlunarflugs til Eyja.